Þessi uppskrift er komin úr hinni frábæru matreiðslubók The Silver Palate Cookbook. Helsti gallinn við þá annars frábæru bók er að uppskriftirnar eru oft með mjög langan innihaldslista, en þessi er ein af undantekningunum.
Uppskriftin, með mínum athugasemdum:
1 heill kjúklingur (1-1 ½ kg.), skipt í fernt. Mér finnst nú reyndar fínt að nota kjúklingabita. Þetta verður að sniðugum hlaðborðsrétt ef notaðir eru vængir eða leggir.
1/3 bolli Dijon-sinnep
Nýmalaður svartur pipar, eftir smekk
1/2 bolli vermút eða þurrt hvítvín (ég nota hvítvínið)
1/2 bolli creme fraiche eða þeytirjómi (ég nota þeytirjómann)
Salt, eftir smekk
Smyrjið sinnepinu á kjúklinginn og látið standa við stofuhita í lokaðri skál í 2 klukkustundir.
Hitið ofninn í 175 °C.
Raðið kjúklingabitunum, með þá hlið sem skinnið er á upp, í ofnfast mót, t.d. lasagna-form eða djúpa ofnskúffu. Skafið sinnepið úr skálinni og smyrjið yfir kjúklingabitana. Stráið yfir smá salti og pipar, og hellið víninu í mótið.
Bakið í miðjum ofni þangað til kjúklingurinn er eldaður í gegn, ca. 1 klst. fyrir venjulega bita, um hálftími fyrir vængi. Ausið af og til soði yfir bitana. Leggir og læri geta þurft 5-10 mínútum lengri tíma en bringurnar.
Skafið sinnepið af kjúklingnum og úr ofnmótinu og setjið í pott. Setjið kjúklingabitana á fat og haldið heitu undir loki.
Fleytið fitunni ofan af sósunni og setjið þvínæst pottinn á eldavélarhellu á meðalhita og látið suðuna koma upp. Á þessum tímapunkti hef ég stundum bætt við 2-3 msk. af sinnepi til viðbótar, því ég vil hafa nóg af sósu. Látið suðuna koma upp, pískið rjómann saman við (ég eyk líka við rjómann ef ég hef gert það við sinnepið). Látið suðuna koma upp og lækkið hitann. Látið malla þangað til sósan hefur soðið niður um ca. 1/3, ca. 5 til 10 mínútur. Smakkið til með salti og pipar. Hellið yfir kjúklingabitana og berið fram heitt eða við stofuhita. Ef um er að ræða vængi og von er á mörgum gestum er gott að hrúga vængjunum á disk og hafa sósuna til hliðar til að dýfa þeim í.
Sýnir færslur með efnisorðinu Silver Palate. Sýna allar færslur
Sýnir færslur með efnisorðinu Silver Palate. Sýna allar færslur
24 júní, 2012
01 júlí, 2011
Appelsínukaka
Þessi er himnesk!
Létt og mild appelsínukaka sem er ekki of sæt.
Matreiðslubók: The Silver Palate Cookbook.
Efni:
8 msk. ósaltað smjör
3/4 bolli strásykur
2 egg, rauður og hvítur aðskildar
Rifinn börkur (bara appelsínuguli hlutinn) af 2 appelsínum
1 1/2 bolli óbleikt hveiti (t.d. Kornax)
1 1/2 tsk. lyftiduft
1/4 tsk. matarsódi
1/4 tsk. salt
1/2 bolli ferskur appelsínusafi
Aðferð:
Forhitið ofninn í 175°C (blástursofn: 165 °C). Smyrjið 25-cm hringform (ég notaði reyndar venjulegt springform af því að hringformið mitt er of lítið fyrir þessa uppskrift, og lengdi bökunartímann aðeins).
Sigtið saman hveiti, lyftiduft, matarsóda og salt.
Hrærið smjörið mjúkt í hrærivél og bætið sykrinum smám saman út í og hrærið þar til blandan er létt og ljós. Setið eggjarauðurnar saman við, eina í einu, og síðan appelsínubörkinn.
Bætið þurrefnunum smám saman út í soppuna, til skiptis við appelsínusafann.
Stífþeytið eggjahvíturnar og hrærið varlega saman við soppuna með sleikju.
Hellið soppunni í formið. Bakið í 30-35 mín., eða þar til hliðarnar á kökunni losna frá forminu og prjónn sem er stungið í miðja kökuna kemur út hreinn.
Kælið í 10 mín. í forminu, og hvolfið þá forminu á grind. Kakan ætti að losna auðveldlega úr því. Snúið kökunni við, setjið disk undir grindina og hellið appelsínugljáanum yfir kökuna á meðan hún er enn heit. Látið kökuna kólna niður í stofuhita áður en hún er borin fram.
Appelsínugljái:
1/4 bolli ferskur appelsínusafi
1/4 bolli strásykur
Setjið sykurinn og safann saman í pott og sjóðið saman við lágan hita í 5 mín., eða þar til sírópið þykknar aðeins. Hrærið í af og til.
Létt og mild appelsínukaka sem er ekki of sæt.
Matreiðslubók: The Silver Palate Cookbook.
Efni:
8 msk. ósaltað smjör
3/4 bolli strásykur
2 egg, rauður og hvítur aðskildar
Rifinn börkur (bara appelsínuguli hlutinn) af 2 appelsínum
1 1/2 bolli óbleikt hveiti (t.d. Kornax)
1 1/2 tsk. lyftiduft
1/4 tsk. matarsódi
1/4 tsk. salt
1/2 bolli ferskur appelsínusafi
Aðferð:
Forhitið ofninn í 175°C (blástursofn: 165 °C). Smyrjið 25-cm hringform (ég notaði reyndar venjulegt springform af því að hringformið mitt er of lítið fyrir þessa uppskrift, og lengdi bökunartímann aðeins).
Sigtið saman hveiti, lyftiduft, matarsóda og salt.
Hrærið smjörið mjúkt í hrærivél og bætið sykrinum smám saman út í og hrærið þar til blandan er létt og ljós. Setið eggjarauðurnar saman við, eina í einu, og síðan appelsínubörkinn.
Bætið þurrefnunum smám saman út í soppuna, til skiptis við appelsínusafann.
Stífþeytið eggjahvíturnar og hrærið varlega saman við soppuna með sleikju.
Hellið soppunni í formið. Bakið í 30-35 mín., eða þar til hliðarnar á kökunni losna frá forminu og prjónn sem er stungið í miðja kökuna kemur út hreinn.
Kælið í 10 mín. í forminu, og hvolfið þá forminu á grind. Kakan ætti að losna auðveldlega úr því. Snúið kökunni við, setjið disk undir grindina og hellið appelsínugljáanum yfir kökuna á meðan hún er enn heit. Látið kökuna kólna niður í stofuhita áður en hún er borin fram.
Appelsínugljái:
1/4 bolli ferskur appelsínusafi
1/4 bolli strásykur
Setjið sykurinn og safann saman í pott og sjóðið saman við lágan hita í 5 mín., eða þar til sírópið þykknar aðeins. Hrærið í af og til.
19 maí, 2011
Súkkulaði-heslihnetukaka
Þetta er gómsæt og flott kaka sem er eiginlega líkari konfekti en köku og jafnast hiklaust á við það besta sem fæst hjá konditormeisturum. Hún er þétt og frekar blaut í sér, með ljúfu súkkulaði- og heslihnetubragði, og mjög drjúg, því að ein lítil flís dugir flestum, svo magnað er bragðið. Það er talsvert fyrir henni haft, en vel þess virði.
Haldiði að ég hafi ekki bara hreinlega gleymt að taka mynd af kökunni? Jú, einmitt, en ég þori að fullyrða að mér hefur aldrei tekist svona vel upp með að skreyta köku, enda er hún mjög látlaus og engar krúsidúllur á henni, bara slétt krem og nokkrar heslihnetur til skrauts.
Hér er tengi á mynd af annarri súkkulaði-heslihnetuköku sem lítur eins út
Matreiðslubók: The Silver Palate Cookbook
[Mínar athugasemdir eru í hornklofum]
Í kökuna:
4 egg, rauður og hvítur aðskildar
1 bolli strásykur
115 g ósætt súkkulaði [það virðist almennt ekki fást í matvöruverslunum, en ætti að vera hægt að fá t.d. í Vínberinu og hugsanlega í Kokku. Ég bjargaði mér með því að nota 56% súkkulaði sem er með viðbættum sætuefnum (maltitóli, inúlíni, laktitóli) en virkar ekki mjög sætt]
12 msk. (170 gr.) ósaltað smjör
1 bolli og 1 msk. kökuhveiti [það gengur að nota Kornax fjölnotahveiti]
1/4 tsk salt
3 msk mjög fínmalaðar afhýddar heslihnetur [best að útbúa um leið og heslihnetusmjörið]
Heslihnetusmjörkrem (uppskrift fylgir fyrir neðan)
Súkkulaðikrem (uppskrift fylgir fyrir neðan)
8 heilar heslihnetur (til skrauts)
Aðferð:
Þeytið saman eggjarauðurnar og sykurinn þar til blandan er þykk og ljósgulleit.
Á meðan eggin og sykurinn þeytast skal bræða saman súkkulaðið og smjörið yfir vatnsbaði og hræra stöðugt í með þeytara þar það er vel blandað og samfellt. Kælið svolítið.
Hitið ofninn í 180 °C. Smyrjið springform sem er 20 cm í þvermál [ég notaði 18 cm form og kakan varð þar af leiðandi aðeins mjórri en hærri, sem er alls ekki verra]. Leggið hring úr bökunarpappír í botninn á forminu og smyrjið pappírinn. Hveitistráið formið og pappírinn [smávegið hveiti er sett í formið og forminu snúið þannig að hveitið rennur um það og húðar það að innan; hristið afganginn úr forminu].
Hellið súkkulaðismjörhrærunni saman við eggja- og sykurhræruna og hrærið þar til rétt blandað. Hrærið hveitinu, möluðu heslihnetunum og saltinu saman við [með hrærarann í hrærivélinni á minnsta hraða, eða notið sleikju og handafl. Það má ekki ofhræra, því þá verður kakan seig].
Stífþeytið eggjahvíturnar og blandið varlega saman við soppuna með sleikju.
Hellið soppunni í springformið og bankið forminu varlega niður á borðið nokkrum sinnum til að losna við loftbólur úr soppunni.
Bakið í miðjum ofni í 35-45 mínútur, eða þar til brúnirnar á kökunni eru þéttar og miðjan er bökuð en ennþá svolítið mjúk. Það gerir ekkert til þó að það komi sprungur í miðjuna. Kælið í forminu, á grind, í um 1 klukkutíma. Takið þá hringinn af forminu og látið kökuna kólna niður í stofuhita. Það er ekki hundrað í hættunni þó að toppurinn á kökunni sígi aðeins þegar hún kólnar.
Þegar hitinn er farinn úr kökunni er henni hvolft á disk, bökunarpappírinn skrældur ofan af og heslihnetusmjörkreminu smurt á hana:
Heslihnetusmjörkrem:
1 1/4 bolli heslihnetur [ég mæli með að bæta við nóg af hnetum til að fá líka þær 3 msk sem eru í kökunni – annað er tvíverknaður. 1/4 bolli til viðbótar ætti að duga]
5 msk maíssýróp (corn syrup) [ef ekki tekst að finna það, þá má nota gullið sýróp í staðinn í sama magni, en þá geta komið sykurkristallar í kremið þegar það er kælt. Það ætti samt að vera í lagi við stofuhita]
2 msk koníak/brandí
1 bolli flórsykur
4 msk ósaltað smjör, við stofuhita
Ristið heslihneturnar á bökunarplötu við 180 °C í 10 til 15 mínútur. Ef þær eru með hýði eru þær hitaðar þar til hýðið hefur losnað og síðan settar í handklæði og nuddaðar þar til hýðið losnar af [það er mjög erfitt að ná öllu hýðinu af þeim og því mæli ég með að kaupa þær afhýddar, en þar þarf samt að hita þær].
Setjið hneturnar heitar í matvinnsluvél og hakkið þær vel. Þegar komið er fíngert mjöl eru þessar 3 msk sem eru notaðar í kökuna teknar frá. Það sem eftir er unnið áfram í vélinni þar til komið er mauk með áferð sem minnir á jarðhnetusmjör.
Hnetusmjörið er sett í skál og sírópinu hrært saman við ásamt koníakinu. Látið standa í 20 mínútur. Það má útbúa þetta fyrir fram og geyma í ísskáp, en þá verður að láta það standa og ná stofuhita fyrir notkun.
Sykur og smjör eru nú hrærð saman þar til blandan er létt og ljós. Hnetusmjörinu er síðan blandað vel og vandlega saman við.
Kreminu er smurt í frekar þunnu og jöfnu lagi á hliðarnar á kökunni og þykkara lag ofan á hana. Síðan er hún kæld í ísskáp í a.m.k. 30 mínútur. Síðan er komið að súkkulaðikreminu:
Súkkulaðikrem:
4 msk ósaltað smjör
115 gr hálfsætt, dökkt súkkulaði [ég notaði venjulegt Síríus Konsúm en get ímyndað mér að 50% eða 70% Konsúm væri gott]
3 msk rjómi
Ca. 2/3 bolli sigtaður flórsykur [sem sagt sigtaður ofan í bollamálið]
1 tsk vanilludropar
Bræðið saman smjörið og súkkulaðið yfir vatnsbaði og hrærið stöðugt í á meðan með þeytara þar til blandan er brædd og vel samfelld.
Takið af hitanum og pískið rjómann saman við. Sigtið flórsykurinn saman við og hrærið vel saman þar til sykurinn er bráðinn og kremið er mjúkt og samfellt. Bætið vanilludropunum saman við og blandið vel.
Takið kökuna með smjörkreminu úr kælinum og hellið kreminu ofan á hana og smyrjið kökuna með því. Vinnið hratt því að kremið byrjar að storkna um leið og það kemst í snertingu við kalda kökuna [hún verður að vera köld til að smjörkremið bráðni ekki saman við súkkulaðikremið]. Reynið að hafa kökuna eins slétta og hægt er.
[Það er hugsanlegt að þetta reynist vera svolítið of mikið krem – það var það hjá mér. Ég leyfði því bara að leka niður hliðarnar á kökunni- það var alveg nóg eftir utan á henni. Síðan lét ég kökuna í kæli og tók hana út þegar kremið var storknað, skar kremklessurnar á diskinum frá kökunni með beittum hníf og skóf þær af diskinum. Síðan fór ég með þunnan spaða undir kökuna og lyfti henni varlega upp og flutti hana yfir á hreinan disk. Að lokum hitaði ég hníf í heitu vatni, strauk af honum rakann og sléttaði neðri kantinn á kökunni þar sem ég hafði skorið umframkremið frá henni.]
Að lokum er heslihnetunum 8 raðað hringinn meðfram brúninni á kökunni með jöfnu millibili.
Best er að kakan sé við stofuhita þegar hún er borin fram, því hún er þétt og kremið verður hart í kæli og það verður erfitt að skera hana.
Haldiði að ég hafi ekki bara hreinlega gleymt að taka mynd af kökunni? Jú, einmitt, en ég þori að fullyrða að mér hefur aldrei tekist svona vel upp með að skreyta köku, enda er hún mjög látlaus og engar krúsidúllur á henni, bara slétt krem og nokkrar heslihnetur til skrauts.
Hér er tengi á mynd af annarri súkkulaði-heslihnetuköku sem lítur eins út
Matreiðslubók: The Silver Palate Cookbook
[Mínar athugasemdir eru í hornklofum]
Í kökuna:
4 egg, rauður og hvítur aðskildar
1 bolli strásykur
115 g ósætt súkkulaði [það virðist almennt ekki fást í matvöruverslunum, en ætti að vera hægt að fá t.d. í Vínberinu og hugsanlega í Kokku. Ég bjargaði mér með því að nota 56% súkkulaði sem er með viðbættum sætuefnum (maltitóli, inúlíni, laktitóli) en virkar ekki mjög sætt]
12 msk. (170 gr.) ósaltað smjör
1 bolli og 1 msk. kökuhveiti [það gengur að nota Kornax fjölnotahveiti]
1/4 tsk salt
3 msk mjög fínmalaðar afhýddar heslihnetur [best að útbúa um leið og heslihnetusmjörið]
Heslihnetusmjörkrem (uppskrift fylgir fyrir neðan)
Súkkulaðikrem (uppskrift fylgir fyrir neðan)
8 heilar heslihnetur (til skrauts)
Aðferð:
Þeytið saman eggjarauðurnar og sykurinn þar til blandan er þykk og ljósgulleit.
Á meðan eggin og sykurinn þeytast skal bræða saman súkkulaðið og smjörið yfir vatnsbaði og hræra stöðugt í með þeytara þar það er vel blandað og samfellt. Kælið svolítið.
Hitið ofninn í 180 °C. Smyrjið springform sem er 20 cm í þvermál [ég notaði 18 cm form og kakan varð þar af leiðandi aðeins mjórri en hærri, sem er alls ekki verra]. Leggið hring úr bökunarpappír í botninn á forminu og smyrjið pappírinn. Hveitistráið formið og pappírinn [smávegið hveiti er sett í formið og forminu snúið þannig að hveitið rennur um það og húðar það að innan; hristið afganginn úr forminu].
Hellið súkkulaðismjörhrærunni saman við eggja- og sykurhræruna og hrærið þar til rétt blandað. Hrærið hveitinu, möluðu heslihnetunum og saltinu saman við [með hrærarann í hrærivélinni á minnsta hraða, eða notið sleikju og handafl. Það má ekki ofhræra, því þá verður kakan seig].
Stífþeytið eggjahvíturnar og blandið varlega saman við soppuna með sleikju.
Hellið soppunni í springformið og bankið forminu varlega niður á borðið nokkrum sinnum til að losna við loftbólur úr soppunni.
Bakið í miðjum ofni í 35-45 mínútur, eða þar til brúnirnar á kökunni eru þéttar og miðjan er bökuð en ennþá svolítið mjúk. Það gerir ekkert til þó að það komi sprungur í miðjuna. Kælið í forminu, á grind, í um 1 klukkutíma. Takið þá hringinn af forminu og látið kökuna kólna niður í stofuhita. Það er ekki hundrað í hættunni þó að toppurinn á kökunni sígi aðeins þegar hún kólnar.
Þegar hitinn er farinn úr kökunni er henni hvolft á disk, bökunarpappírinn skrældur ofan af og heslihnetusmjörkreminu smurt á hana:
Heslihnetusmjörkrem:
1 1/4 bolli heslihnetur [ég mæli með að bæta við nóg af hnetum til að fá líka þær 3 msk sem eru í kökunni – annað er tvíverknaður. 1/4 bolli til viðbótar ætti að duga]
5 msk maíssýróp (corn syrup) [ef ekki tekst að finna það, þá má nota gullið sýróp í staðinn í sama magni, en þá geta komið sykurkristallar í kremið þegar það er kælt. Það ætti samt að vera í lagi við stofuhita]
2 msk koníak/brandí
1 bolli flórsykur
4 msk ósaltað smjör, við stofuhita
Ristið heslihneturnar á bökunarplötu við 180 °C í 10 til 15 mínútur. Ef þær eru með hýði eru þær hitaðar þar til hýðið hefur losnað og síðan settar í handklæði og nuddaðar þar til hýðið losnar af [það er mjög erfitt að ná öllu hýðinu af þeim og því mæli ég með að kaupa þær afhýddar, en þar þarf samt að hita þær].
Setjið hneturnar heitar í matvinnsluvél og hakkið þær vel. Þegar komið er fíngert mjöl eru þessar 3 msk sem eru notaðar í kökuna teknar frá. Það sem eftir er unnið áfram í vélinni þar til komið er mauk með áferð sem minnir á jarðhnetusmjör.
Hnetusmjörið er sett í skál og sírópinu hrært saman við ásamt koníakinu. Látið standa í 20 mínútur. Það má útbúa þetta fyrir fram og geyma í ísskáp, en þá verður að láta það standa og ná stofuhita fyrir notkun.
Sykur og smjör eru nú hrærð saman þar til blandan er létt og ljós. Hnetusmjörinu er síðan blandað vel og vandlega saman við.
Kreminu er smurt í frekar þunnu og jöfnu lagi á hliðarnar á kökunni og þykkara lag ofan á hana. Síðan er hún kæld í ísskáp í a.m.k. 30 mínútur. Síðan er komið að súkkulaðikreminu:
Súkkulaðikrem:
4 msk ósaltað smjör
115 gr hálfsætt, dökkt súkkulaði [ég notaði venjulegt Síríus Konsúm en get ímyndað mér að 50% eða 70% Konsúm væri gott]
3 msk rjómi
Ca. 2/3 bolli sigtaður flórsykur [sem sagt sigtaður ofan í bollamálið]
1 tsk vanilludropar
Bræðið saman smjörið og súkkulaðið yfir vatnsbaði og hrærið stöðugt í á meðan með þeytara þar til blandan er brædd og vel samfelld.
Takið af hitanum og pískið rjómann saman við. Sigtið flórsykurinn saman við og hrærið vel saman þar til sykurinn er bráðinn og kremið er mjúkt og samfellt. Bætið vanilludropunum saman við og blandið vel.
Takið kökuna með smjörkreminu úr kælinum og hellið kreminu ofan á hana og smyrjið kökuna með því. Vinnið hratt því að kremið byrjar að storkna um leið og það kemst í snertingu við kalda kökuna [hún verður að vera köld til að smjörkremið bráðni ekki saman við súkkulaðikremið]. Reynið að hafa kökuna eins slétta og hægt er.
[Það er hugsanlegt að þetta reynist vera svolítið of mikið krem – það var það hjá mér. Ég leyfði því bara að leka niður hliðarnar á kökunni- það var alveg nóg eftir utan á henni. Síðan lét ég kökuna í kæli og tók hana út þegar kremið var storknað, skar kremklessurnar á diskinum frá kökunni með beittum hníf og skóf þær af diskinum. Síðan fór ég með þunnan spaða undir kökuna og lyfti henni varlega upp og flutti hana yfir á hreinan disk. Að lokum hitaði ég hníf í heitu vatni, strauk af honum rakann og sléttaði neðri kantinn á kökunni þar sem ég hafði skorið umframkremið frá henni.]
Að lokum er heslihnetunum 8 raðað hringinn meðfram brúninni á kökunni með jöfnu millibili.
Best er að kakan sé við stofuhita þegar hún er borin fram, því hún er þétt og kremið verður hart í kæli og það verður erfitt að skera hana.
11 maí, 2011
Mjúkar, kryddaðar melassasmákökur
Matreiðslubók: The Silver Palate Cookbook.
Þessar smákökur eru ljúffengar og mjúkseigar. Ef ekki er til melassi má nota síróp eða treacle í staðinn eða jafnvel hunang.
170 gr. (12 msk.) ósaltað smjör (eða saltað og sleppið þá saltinu)
1 bolli strásykur
1/4 bolli melassi eða síróp
1 egg
1 3/4 bolli hveiti
1/2 tsk. malaður negull
1/2 tsk. malaður engifer
1 tsk. malaður kanill
1/2 tsk. salt
1/2 tsk. matarsódi
Hitið ofninn í 175 °C (165 °C fyrir blástursofn).
Bræðið smjörið og blandið saman við það sykri og melassa og blandið vel. Léttþeytið eggið þannig að rétt byrjar að myndast froða og blandið vel saman við sykurhræruna.
Sigtið saman hveitið og kryddin, saltið og matarsódann og blandið saman við sykurhræruna. Úr verður þunnt deig.
Setjið álpappír eða bökunarpappír á bökunarplötu og skammtið deiginu á hann með teskeið. Látið vera ca. 7 cm á milli, því þær renna mikið út í bakstrinum.
Bakið þar til kökurnar fara að dökkna, ca. 8-10 mín. Takið út á meðan þær eru enn mjúkar. Látið kólna á plötunni.
Þessar smákökur eru ljúffengar og mjúkseigar. Ef ekki er til melassi má nota síróp eða treacle í staðinn eða jafnvel hunang.
170 gr. (12 msk.) ósaltað smjör (eða saltað og sleppið þá saltinu)
1 bolli strásykur
1/4 bolli melassi eða síróp
1 egg
1 3/4 bolli hveiti
1/2 tsk. malaður negull
1/2 tsk. malaður engifer
1 tsk. malaður kanill
1/2 tsk. salt
1/2 tsk. matarsódi
Hitið ofninn í 175 °C (165 °C fyrir blástursofn).
Bræðið smjörið og blandið saman við það sykri og melassa og blandið vel. Léttþeytið eggið þannig að rétt byrjar að myndast froða og blandið vel saman við sykurhræruna.
Sigtið saman hveitið og kryddin, saltið og matarsódann og blandið saman við sykurhræruna. Úr verður þunnt deig.
Setjið álpappír eða bökunarpappír á bökunarplötu og skammtið deiginu á hann með teskeið. Látið vera ca. 7 cm á milli, því þær renna mikið út í bakstrinum.
Bakið þar til kökurnar fara að dökkna, ca. 8-10 mín. Takið út á meðan þær eru enn mjúkar. Látið kólna á plötunni.
09 maí, 2011
Marbella-kjúklingur
Ef notaðir eru kjúklingavængir og/eða litlir leggir er þetta tilvalinn partýréttur. Það er auðvelt að minnka hann og stækka og af því að hann er líka fínn kaldur er hægt að gera hann daginn áður. Ekki stytta marineringartímann, 10 tímar er lágmark til að ná góðri marineringu.
Ég gef hér upp 2 stærðir á uppskriftinni, annars vegar fyrir 10 manns og hins vegar fyrir 2 (í sviga á eftir innihaldsefnunum).
Matreiðslubók: The Silver Palate Cookbook
Fyrir: 10 manns (ca. 16 bitar) eða fleiri ef borið fram sem partýréttur á hlaðborði; eða fyrir 2 (3- 4 bitar)
Efni:
Ca. 4,5 kg. blandaðir kjúklingabitar með beini og skinni (ca. 500 gr.)
1 hvítlaukur, flysjaður og maukaður (3 rif)
1/4 bolli þurrkað óreganó (1 msk.)
Gróft salt og nýmalaður svartur pipar eftir smekk
1/2 bolli rauðvínsedik (2 msk.)
1/2 bolli ólífuolía (2 msk.)
1 bolli steinlausar sveskjur (1/4 bolli)
1/2 bolli spænskar steinlausar grænar ólífur (ca. 6-8 stk. – það er erfitt að mæla þær í msk.)
1/2 bolli kapers og smá kapers-safi (2 msk.)
6 lárviðarlauf
Til viðbótar í eldun:
1 bolli púðursykur (1/4 bolli)
1 bolli hvítvín (1/4 bolli)
Til skrauts og bragðauka:
1/4 bolli steinselja eða laufkóríander (cilantro) (2 msk.)
Setjið kjúklingabitana og marineringuna saman í skál og hrærið vel til að húða kjúklinginn. Setjið lok á skálina og setjið í kæli og látið marinerast í lágmark 10 klukkustundir. Gott að hræra í af og til svo að kjúklingurinn marinerist jafnt.
Hitið ofninn upp í 175 °C.
Raðið kjúklingabitunum í eitt lag í eitt eða tvö grunn ofnföst mót og mokið marineringarleginum (með ólífum, kapers og sveskjum) jafn yfir. Stráið púðursykrinum yfir kjúklinginn og hellið hvítvíninu í botninn.
Bakið í 50 mín. til 1 klst. (30-40 mín. ef notaðir eru bara vængir) og ausið soðinu oft yfir á meðan á eldun stendur. Rétturinn er tilbúinn þegar tær vökvi (en ekki bleikur) rennur úr lærisbita sem stungið er í með prjóni þar sem hann er þykkastur.
Takið kjúklinginn, sveskjurnar, ólífurnar og kapers upp með gataskeið og færið yfir á fat. Vætið í með ögn af soði og stráið slatta af steinselju eða laufkóríander yfir. Setjið afganginn af soðinu í sósukönnu og berið fram með réttinum.
Til að bera fram kalt:
Látið kjúklinginn kólna niður í stofuhita í soðinu og færið þá bitana, sveskjurnar, ólífurnar og kapers yfir á fat.
Ef kjúklingurinn hefur verið kældur í kæliskáp skal láta hann standa og ná stofuhita áður en hann er borinn fram. Vökvið bitana með ögn af soði áður en þeir eru bornir fram.
08 maí, 2011
Matreiðslubók vikunnar: The Silver Palate Cookbook
Ég minntist á uppáhaldsmatreiðslubækur í inngangspistlinum. Ég ætla einmitt að byrja þessa yfirferð um matreiðslubókasafnið mitt á einni þeirra:
The Silver Palate Cookbook. Höfundar eru Julee Rosso og Sheila Lukins.
Hún hefur verið í uppáhaldi hjá mér í mörg ár, allt frá því að ég keypti hana af rælni í Góða hirðinum á 300 kall án þess að vita að ég væri með fræga bók í höndunum. Ég nota reyndar bara nokkrar upskriftir úr henni að staðaldri, en hef prófað fleiri. Hún er líka fín til uppflettingar og bara gaman að opna hana af handahófi og lesa eina eða tvær blaðsíður sér til skemmtunar og innblásturs. Eintakið mitt er úr fyrstu útgáfu og er myndskreytt af Lukins sem auk þess að vera menntaður kokkur var líka menntuð í myndlist. Nýjasta útgafan, sem kom út í tilefni 25 ára afmælis bókarinnar, er líka með ljósmyndum af réttunum.
Þessi bók kom fyrst út í Bandaríkjunum árið 1979 og sló þá rækilega í gegn. Höfundarnir höfðu þá rekið saman verslun í New York í nokkur ár þar sem þær seldu tilbúinn mat sem þær elduðu á staðnum. Í henni er lögð áhersla á fersk innihaldsefni og tiltölulega auðveldar uppskriftir, þó að stundum sé reyndar listinn yfir innihaldsefnin ansi langur.
Ég hef eldað slatta af uppskriftum úr henni, en uppáhaldið mitt eru ljúffengar amerískar súkkulaðibitasmákökur, ótrúlega góð amerísk eplabaka og Marbella-kjúklingur þar sem ægir saman ótrúlegustu innihaldsefnum í ljúffengum og auðveldum ofnrétti. Ég ætla að birta nokkur sýnishorn af uppskriftum úr bókinni eftir helgi.
 |
| Upprunalega bókin |
Hún hefur verið í uppáhaldi hjá mér í mörg ár, allt frá því að ég keypti hana af rælni í Góða hirðinum á 300 kall án þess að vita að ég væri með fræga bók í höndunum. Ég nota reyndar bara nokkrar upskriftir úr henni að staðaldri, en hef prófað fleiri. Hún er líka fín til uppflettingar og bara gaman að opna hana af handahófi og lesa eina eða tvær blaðsíður sér til skemmtunar og innblásturs. Eintakið mitt er úr fyrstu útgáfu og er myndskreytt af Lukins sem auk þess að vera menntaður kokkur var líka menntuð í myndlist. Nýjasta útgafan, sem kom út í tilefni 25 ára afmælis bókarinnar, er líka með ljósmyndum af réttunum.
 |
| Nýjasta útgáfa bókarinnar |
Ég hef eldað slatta af uppskriftum úr henni, en uppáhaldið mitt eru ljúffengar amerískar súkkulaðibitasmákökur, ótrúlega góð amerísk eplabaka og Marbella-kjúklingur þar sem ægir saman ótrúlegustu innihaldsefnum í ljúffengum og auðveldum ofnrétti. Ég ætla að birta nokkur sýnishorn af uppskriftum úr bókinni eftir helgi.
Gerast áskrifandi að:
Færslur (Atom)